stundum hef ég ekkert að segja og skrifa samt helling um nákvæmlega ekki neitt. ég skrifar um hluti sem engin nennir að lesa um og ég gleymi því um leið og ég legg frá mér tölvuna.

svo á hinn veginn, þá hef ég stundum helling að segja en veit ekki alveg hvernig ég á að koma orðum að því. þeas þá skrifa ég helling sem engin skilur því æsingurinn er það mikill að orðin og setningarnar verða bara vitleysa þegar ég reyni að koma því frá mér.

svo líka kemur fyrir að mig langar að skrifa helling en langar samt ekkert að hver sem er geti lesið það, er enn brenndur síðan að fyrir einhverjum árum að þá stal dv færslu frá mér og birti í blaðinu hjá sér. eeekki alveg það sem ég vil aftur. kannski samt engin hætta á því þar sem engin les þetta hvort eð er. sem er fínt því þá er engin að kvarta yfir því að ég sé ekki að skrifa neitt hérna reglulega.

en ég fór í gær á fjórhjól og síðan í rafting. fjórhjóladæmið var hörmung, þeas fengum bara að keyra á ca 35 kmh og það er ekki gaman. hinsvegar var raftingið algjör snilld og alltaf gaman að henda vælukjóum útí ískalda ánna.

er byrjaður að gera helling þessa daga, búin að fara nokkrum sinnum í heilun, byrjaður að mæta í ræktina (sem þýðir harðsperrur dauðans þessa dagana). sem er auðvitað allt bara snilld, nema fyrir utan það að strákarnir sem ég er að æfa með eru klikkaðir í hausnum, þeir eru að æfa fyrir eitthvað helv… kraftlyftingarmót og láta mig bara æfa alveg eins og þeir eru að gera. Ég sem vil bara vera helköttaður og með mega sixpack. en já ætli maður endi ekki bara í kraftlyftingum eftir ca 1 ár.

já og ekki má gleyma því að þeir ætla að senda mig í spinning líka, það verður eflaust fjör.

er búin að taka að mér verkefni sem mun sennilega taka mig í kringum 1 ár að klára. mig bæði kvíður fyrir þessu og hlakka til að takast á við þetta. besta er að það munu sennilega margir njóta góðs af því sem ég þekki. ræði þetta kannski betur þegar ég hef unnið að þessu í smá tíma.

í gegnum tíðina hef ég gert alls konar mistök, núna hins vegar ætla ég mér að hætta því. það er nefnilega of mikið af mikilvægum hlutum sem ég hef klúðrað með mistökum, mistökum sem hefði verið hægt að koma í veg fyrir með því að hugsa bara örlítið lengur og betur.

já ég ætla sem sagt að reyna þetta einu sinni enn, ath hvort ég nenni að standa í þessu yfirhöfuð. Þeas að skrifa eitthvað hérna on a regular basis.

Er að leita mér að íbúð núna á fullu, en er samt ekki alveg tilbúin til að borga það sem markaðurinn býður uppá í dag. sérstaklega þar sem ég er að borga alltof mikið af peningum næstu 5 mánuði, þeas peningum sem ég gæti alveg eins hent í ruslið.

fór uppá mýrdalsjökul á sjómannadaginn 1. júní þeas. mjög gaman að komast loksins aðeins útúr bænum og í náttúruna. nema hvað helv… sleðinn hans Alla bilaði sem þýddi að við vorum bara í ruglinu, fórum ekki það sem við ætluðum (strútslaug) og enduðum á því bara að leika okkur aðeins á jöklinum.

skrifa eitthvað meira hérna seinna. er bara rétt að koma mér í gírinn.